― 50 ―
Maskipoen ia baroe sedar dari tidoer, tapi tiada oeroeng ia lantes boeroe-boeroe pergi mandi dan berias dengen amat medok. Alisnja ia sipat dengen sawang api jang ia ambil dari pantat kwali, dan ia poenja bibir soeda mendjadi mera oleh kerna ia telah mamah siri jang banjak gambirnja.
Pada itoe waktoe pikirannja seperti terganggoe setan: ia tida bisa berkerdja lagi sebagimana biasa; tangannja pegang ini dan lepas itoe, tapi tida ada satoe pakerdjahan jang ia kerdjaken dengan beres.
la berdjalan kloear masoek, dengen roepa jang amat doeka, lantaran kesel dan tiada sabaran menoenggoe datengnja waktoe jang baek. la ada sanget harep, jang ia poenja iboe bisa lekas dateng, soepaja ia lantes bisa rasaken lagi itoe kesenangan, jang ia soeda dapet dari djedjaka moeda pada doea hari jang telah liwat.
Lantaran begitoe ia soeda moelai bentji meliat moekanja ia poenja soewami jang djelek; dan moelain mendjadi oering-oeringan pada itoe soewami jang tiada bersalah. Entjek Hwa Hin jang bertabiat amat sabar dan sanget tjinta pada istrinja jang tjantik, telah ijoba boedjoek-boedjoek dengen perkatahan manis, soepaja itoe prampoean moeda djangan mara-mara zonder ada satoe lantaran, tapi semoewa pertjobahan telah djadi tersia-sia, malahan sang istri poenja tingka lakoe telah djadi lebi gila lagi.
„Hai kenapa si Ros boleh djadi begini?” berpikir sang soewami, jang laloe dapet inget, bahoewa sedari mertoewa prampoeannja adjak ia poenja istri pergi melantjong, lantes sadja tingka lakoenja ia poenja istri telah djadi beroba djaoe.
Dengen meremken mata ia tjoba-tjoba boeat menginget, apa jang soeda kedjadian sedari itoe waktoe; ia dapet inget jang tadi begitoe pagi istrinja soeda moela-in berias
