― 58 ―
Tionghoa djoega ada sering-sering berkata didalem behasa Hok Kian: ,,Wan Po Wan ! dan jang bermaksoed: ,,Orang djahat tentoe dapet balessannja!“ Liat sadja itoe tjoeteidoeng-poeti, jang soeda berdjina pada orang poenja istri, Sekarang ia telah dapet hoekoemannja.
Tetapi broentoeng boeat itoe orang moeda, Toean Allah jang Maha Kwasa masi blon maoe panggil ia poelang ka acherat boeat mendjalanken hoekoemannja dari apa jang ia telah berboeat djzhat didalem doenia ; begitoelah pada djem delapan malem si toea bangka, jang tinggal di itoe sarang djoedi, telah pergi ka waroeng boeat bli minjak kajoe poeti, maka ia soeda mendapet liat madjikannja jang lagi reba sembari tjelentang di atas tanah.
,,Babah! Babah !’’ bekaok si toea bangka.
Tetapi itoe madjikan tida menjaoet.
,,Babah! bangoen Bah!" kata poelah itoe prampoean toewa.
Itoe madjikan masi djoega tinggal boengkem seperti meriam si Djagoer di Kota Inten.
Boeat gotong padanja si toea bangka tida koeat, maka dengen hati katakoetan ia minta toeloeng pada toekang waroeng boeat angkat ia poenja madjikan bawa poelang ka roemanja.
Itoe toekang waroeng ada kenal djoega pada itoe tjocteidoeng-poeti, maka ia lantes toeroet sadja permintahannja si toea bangka.
Sasoedanja itoe orang moeda jang masi pangsan di taro diatas pembaringan, si toea bangka lantes ambil kaen basa boeat bersiken moekanja itoe djahanam jang penoe dengen dara; samentara itoe toekang waroeng jang maoe bermoeka-moeka pada itoe orang kaja soeda ambil satoe botol Eau de Cologte, siremken dimana kepalanja itoe tjoete-idoeng-poeti, sedeng loeka di atas kepalanja jang bekas di ketok di pakein arak obat.
