— 63 —
dengen sabar datengnja lamarannja lelaki. Koetika itoen sakoenjoeng-koenjoeng dateng satoe opas, sembari menanja:
„Nona apa disini roemanja Entjek Asie?”
„Ja betoel!” menjaoet si Ros dengen hati jang ketakoetan, kerna ia kira barangkali ajahnja hendak di tangkep lantaran di toedoe telah isep madat glap.
„Ada satoe soerat panggilan boeat nona Ros! Apa ia ada disini?”
„Betoel bang opas, saia si Ros. Soerat panggilan dari mana ?” menanja si Ros jang hatinja soeda djadi sediki senangan
„Dari KONGKOAN, Nona”
„Ada perkara apa, bang opas ?”
„Tida perkara apa, tjoema Nona di panggil boeat mengadep pada Raad Tjina, kerna Nona maoe di tanja Nona poenja pikiran tentang Entjek Hwa Hin poenja perminta'an boeat bertjere”
„Kapan saia moesti mengadep, bang opas ?”
„Ini hari, kaloe bisa backan sekarang djoega Nona lantas pergi!”
„Baeklah, bang opas !” kata si Ros jang laloe toewang kantongnja dan kasi oewang persen–sepoeloe cent.
„Trima kasi, Na!” kata si opas jang laloe brangkat poelang dengen moeka girang.
Si Ros lantas masoek ka dalem, laloe kasi taoe pada ajah dan iboenja jang ia moesti mengadep di KONGKOAN lantaran Entjek Hwa Hin masoek soerat boeat minta bertjere.
„Ros, kaloe loe maoe mengadep di Kongkoan, loe moesti berpakean jang rapi, boeat hormatin kita poenja kapala bangsa !”
„Ros lagi kesel begini, begimana bisa berias!”
