― 7 ―
sahoet itoe anak moeda dengen merasa sedikit maloe.
„Ngomong sih enak, tapi djalanin soesa !” menjaletoek si Manis.
Pendeknja begini sadja da tji, ketok da kepala 'ntji kaloe oewee engga bisa djalanin !”
„Do, kapan si kepala goea jang di ketok, kaloe kapalanja si Boto sih boleh djoega !”
Si Hok djadi tertawa berkakakkan.
Nona Boto bawaken satoe tjawan kopi jang baroe di sedoe, seraja berkata: „Koh ni kopi dan pisang goreng, makan da, tapi saia hendak bitjara sedikit Koh !”
„Bitjaralah goea dengerin, To !”
„Bitjara apa lagi sih, tentoelah hal kawin pada loe Hok, nanti goea panggilin penghoeloe boeat nikahken !” kata si Manis.
„Tjis, 'ntji si engga laen jang di bitjarain kawin sadja !”
Si Boto memang ada pande sekali berpantoen, sebab sedari ia masi ketjil, ia ada soeka sekali maen sair pada temen-temennja, maka itoe ia laloe berkata:
- „Sama 'ngko saja hendak bilangken,
- Omongan saja baek 'ngko perhatiken,
- Ada oewang orang hormatken,
- Ada kepinteran orang indaken.
Si Hok poen tiada maoe kala adoe kepinteran dengen ia poenja djantoeng hati, maka dengen sigra ial aloe membales, berkata :
- „Djangan pake djaroem jang poentoel,
- Baeklah pake djaroem jang tadjem,
- Omongan nona memang itoe ada betoel,
- Kerna ada banjak menoesia jang kedji dan kedjem.
„Do, dia berdoea maen sair-sairan eh !” kata si Manis
