- 43 -
poen pergi ka kali boeat tjoetji badjoe, hingga itoe waktoe. ada tempo jang baek boeat itoe menoesia djahanam memboedjoek pada si Ros.
„Dari mana, Bi ?” tanja si Ros, koetika liat pada si Isa.
„Dari roema Na, Njonja soeroe saja dateng kamari !” kata si Isa sembari pelok pinggang.
„Apa kabar, Bi ?”
„Nja besar soeroe minta doeit.”
„Brapa banjak?”
„Barang doea poeloe roepia keh !”
„Saja mana ada poenja banjak oewang, doeit semoewa di tangannja baba dan lagi baba selaloe djadi mara-mara, kaloe dia taoe saja kasi oewang pada Memeh !” kata si Ros, jang kemoedian telah djadi bengong, sebagi orang jang lagi berpikir.
„Hm!” kata si Isa jang laloe ambil sedjoempoet tembako boeat menjisik, dan kemoedian ia laloe berkata: „Nona kan orang masi moeda, kenapa Nona boleh ikoet pada Baba jang pelit, tjari dong tjoete-tjoete jang rojal, Nona bisa berpakean rebo, plesir tjoekoep, ikoet Baba jang begitoean si sajang-sajang Nona poenja diri jang sebagi boenga lagi sedeng mekarnja, siapa jang liat tentoe kepengen petik, kaloe soeda lajoe si siapa jang maoe openin”
„Bibi omong memang enak adja, saja poenja sakit hati masi blon ilang pada bibi poenja Baba jang soeda siasiaken saja poenja diri!”
„Nona sala pikir, tjoba Nona pikir itoe Baba jang maoe dapetin pada Nona dia soeda ilang brapa banjak oewang, kaloe di kata lima ratoes roepia Nona poenja Memeh soeda dapet dari itoe Baba saja kira tida koerang, kaloe dari satoe Baba Nona bisa eret doeitnja lima anam ratoes roepia, kaloe Nona plesir sama sepoeloe Baba-Baba oeda dapet
