Halaman ini telah diuji baca
-50-
Sesoedanja oetjapken itoe perkatehan, itoe iboe doerhaka laloe brangkat poelang.
Sianseng Tiong Djin tida mendjawab, tapi ia poenja hati merasa sanget girang, koetika ia meliat itoe mertoewa djahanam berdjalan poelang dengen tiada dapet ia poenja maksoed oleh kerna ia poenja istri tida soeka toeroet kehendakannja itoe iboe doerhaka.
Lantaran itoe soewami soeda bisa berlakoe tjerdik, hingga ia poenja istri tida mendjadi korbannja dari kemaoeannja itoe prampoean djahanam.
X.
GOWA RESIA DI PETAK SINKIAN.
[1]).
Lima blas taon jang telah liwat di Petak Sinkian ada satoe „Gowa Resia,“ terdiri dari tiga roema atep, jang ada
- ↑ Saja rasa banjak pembatja di loear Kota Batawi blon taoe denger namanja dari itoe tempat, jang di panggil Petak Sin Kian, kerna disitoe ada sanget sepi. Lantaran di sebrangnja itoe tempat, ia itoe djalanan Jacatra (jang di seboet djoega Petja Koelit, dimana ada terletak rainja Elestrische Tram antara Betawi dan Weltevreden), di deket itoe rail ada satoe tembok, jang saja rasa ada perloe boeat pembatja mendapet taoe, maka di bawa ini saja maoe membri sedikit ketrangan tentang tembok itoe jang telah di diriken pada tanggal 14 April 1722 sebagi pringetan boeat publiek. Itoe tembok tiada bole di rombak, maka sampe ini waktoe masi berdiri tegoe lantaran di rawat baek. Di atas tembok terseboet ada tertantjep kepalanja satoe penghianat saorang Pranakan Europa bernama Pieter Erberveld, jang telah berniat dengen bersatoe hati sama orang-orang pembrontakan bangsa doemipoetra aken boende semoea orang-orang Europa di poelo Djawa: broentoeng itoe niatan djahat telah ketaoean, seblonnja mendjadi kasep. Bole djadi djoega itoe tempat maka dinamaken Petja Koelit lantaran disitoe telah di djalanken satoe hoekoeman jang sanget heibat pada itoe Pranakan Europa, ia itoe hoekoeman boeat beset badannja itoe penginat, jang telah di lakoeken dengen ampat koeda
