-51
poenja banjak pintoe temboes me nemboes satoe sama laen; anak-anak moeda jang maoe tja ri pipi aloes dan koende litjin selaloe dateng ka itoe tempat boeat minta pertoeloengannja Embok Saleha jang djadi eigenaresnja dari Gowa Resia itoe.
Disini kita merasa perloe boeat toetoerken sedikit hikajatnja itoe prampoean jang mempoenjain itoe „Gowa Resia” soepaja sekalian pembatja bisa mendapet taoe, lantaran apa orang soeda kasi nama begitoe matjem pada itoe roemah, jang di tinggalken oleh itoe Mah Peropot.
Embok Saleha ada saorang prampoean setenga toea jang sanget pinter, dan ia poenja koeping poen ada sanget trang, serta matanja ada sanget tadjem. Goela di kata manis, tetapi ia poenja moeloet ada lebi manis dan pande sekali boedjoek-boedjoek prampoean baek-baek boeat dagangken dirinja. Djika ia pergi koendjoengken roemanja dari satoe Njonja djanda, ia selamanja soeka berkata: „Nona kaloe diam di roema sadja, siapa jang taoe dan dapet liat pada Nona, engga lebi baek Nona sering-sering dateng ka roemah saja; trima Baba-baba jang dateng di tempat saja boeat plesir, kaloe-kaloe adja Nona bisa ketemoe sama Baba jang tjinta betoel pada Nona, kan dia boleh piara Nona selamanja !” Njonja-njonja djanda jang koerang pikiran kebanjakan kena masoek didalem ia poenja djebakkan, hingga ia orang soeda djadi boenga raja, jang blakangan telah seselken dirinja lantaran ia poenja pikiran jang tersesat. Dan djoega ia soeka adjak tinggal anak-anak prampoean, jang ampir dewasa, djika anak-anak prampoean itoe soeda djadi gadis, ia lantes goenaken segala tipoe boesoek boeat dapetken oewзng. Itoe anak prawan di kasi pake pakean jang bagoes bagoes; djika ada Baba-baba dateng ka itoe Gowa Resia, Embok Saleha lantes kasi taoe, jang ada orang maoe djoeal anak prawan, soeda tentoe ini kabar membikin sanget
