— 69 —
poelah itoe Baron jang laloe doedoek lebi deket lagi pada Ia poenja bini moeda.
„Saja, Koh!” djawab si Manis, sembari berkiser sedikit djaoe berdamping sama satoe lelaki.
„Nah, apa! Baroe Engko kata, sekarang Nona soeda loepa lagi Engko poenja pesenan jang tadi, dan Nona masi maoe berlakoe maloe-maloe!” kata itoe Baba haartawan, jang laloe samperin lagi pada bini moedanja.
„Boekan begitor, Koh! Kan panas maka saja berkiser sedikit!” djawab si Manis, sembari toendoekkin ia poenja moeka.
„Nona barangkali blon taoe, bagimana saja soeda rindoein pada Nona, sedari saja liat Nona di Paser Malem?”
„Saja orangnja djelek, masa ada jang rindoein?”
„Nah! biar kiting masa Engko lantas maoe membohong, maka pada besoknja djoega Engko lantas soeroe Embok Saleha pergi lamar sama Nona, baek djoega itoe lamaran di trima, kaloe engga tentoe Engko boleh djadi mati lantaran rindoein Nona,”
„Masa ja!” sahoet si Manis jang sekarang soeda djadi sedikit branian.
„Memang soesa kaloe Nona engga pertjaja moeloet Engko, kaloe engga begini sadja, Nona belek Engko poenja hati, baroe Nona dapet taoe betoel, bagimana besarnja Engko poenja ketjintahan pada Nona!” kata itoe Baron, sembari ondjolken dadanja pada ia poenja bini moeda, hingga marika poenja badan soeda djadi rapet sekali. Itoe baoe jang haroem dari itoe Nona penganten lantes sadja masoek didalem idoengnja itoe Baron, hingga ia soeda tiada bisa tahan sabar lagi dan lantes mentjioem itoe pipi jang litjin serta wangi baoenja.
Lantara itoe tjioeman jang begitoe keras, soeda mem-
