— 70 —
bikin pipinja si Manis djadi bersemoe-semoe dadoe, dan ia poenja moeka poen soeda djadi lebi mera, lantaran ia merasa sanget djengah.
Tetapi siapa bisa taoe dalem hatinja itoe Nona penganten? Boleh djadi djoega ia merasa maloe lantaran ia blon perna di tjioem oleh satoe lelaki, tapi hatinja merasa sanget girang, bahoewa ia meliat jang Babanja ada begitoe tjinta padanja.
„Nona djangan soeka begitoe maloe-maloe lah, kan tida begitoe senang kita bertjinta-tjintahan ?” kata itoe Baron dengen soewara lema lemboet boeat memboedjoek hatinja itoe gadis.
„Nona tentoe merasa tjape bekas tadi siang djadi kemanten dan mendjoengdjoeng kembang jang begitoe brat, maka marilah kita reba-rebahan. didalem kamar!” kata itoe Baron, jang api ketjintahannja soeda djadi mengkobar betoel-betoel, dan lantes sengklek tangannja ia poenja bini moeda, laloe adjak masoek ka dalem kamar.
Lantaran tangannja di sengklek, maka terpaksa si Manis moesti ikoet Babanja masoek ka dalem kamar, tetapi koetika baroe ia berdjalan setindak, lantas ia brenti, seperti orang jang merasa takoet ia berkata:
„Koh! saja engga merasa tjape, biarinlah. Saja doedoek di loear adja!”
„Kenapa si Nona seperti orang jang ketakoetan, ini pertjintahan toch boekan resia, kaloe Nona bisa bersetia pada Engko kan nanti Engko bli-in barang mas inten boeat kasi Nona pake!” kata itoe Baron jang laloe pegang pinggangnja itoe gadis dengen kentjeng dan adjak masoek ka dalem kamar.
Didalem itoe kamar tida di sediaken krosi dan medja, maka si Manis djadi terpaksa doedoek diatas pembaringan dan toetoep ia poenja moeka dengen kaen klamboe.
„Hai! Nona, sebegitoe banjak prampoean jang saja soeda ketemoe, blon ada jang tingka lakoenja begitoe maloe-maloe
