-181-
perkara ketjil, tetapi boeat ia idoep begimana bisa didapet kaloe anaknja soeda tida boeka toko lagi?
Ini semoea ada ganggoe pikirannja begitoe keras hingga tida bisa disaroe-saroein maka sekalipoen soeda lama ia berbaring, tida djoega bisa poeles. la taoe tempo Tjan poelang nonton, ia taoe ajam berkoekoek pertama kali jaitoe poekoel satoe lepas tenga malem, ia taoe ajam berkoe-koek kedoea kalinja waktoe poekoel tiga pagi dan ampir terang tana, baroelah ia bisa poeles dan dapet impian jang tida enak.
Sebegimana biasanja orang jang mengandoeng pikiran koesoet, sekalipoen tidoer tentoe tida bisa poeles betoel, maka sekalipoen sang iboe baroe tidoer sapoelesan, ia soeda mendoesin, ia denger Soekmi ada di kamer mandi, boedjang sedeng menjapoe, tanda baroe terang tana, tetapi ia rasa kepalanja berat dan panas, maka ia tinggal reba djoega.
Sampe matahari soeda naek, Soekmi soeda sedia koffie ia inget kaloe-kaloe sang iboe soeda mendoesin, ia masoek dikamernja, sebab memang selamanja sang ajah meninggal, satoe baboe tidoer dalem kamer sang iboe pake tiker dibangkoe kajoe boeat temenin; pagi-pagi sekali itoe baboe soeda kloear dan rapetin pintoe kamer, maka Soekmi lantas bisa masoek, ia liat sang iboe
