103
„Blakangan kaoe nanti ketemoe padanja, njonja. Sekarang breat kaoe paling perloe toeroet sama akoe.“
Clotilde, jang pertjaja sekarang orang dateng menoeloeng padanja, toeroetin kahendaknja itoe dokter.
Prempoean pengoeroes kamar lantas ambil pakeannja Clotilde. Jefferson soeda kloear lebi doeloe dan soeda soeroe ia poenja djoeroe rawat ambil laen kreta poelang lebi doeloe, sepaja Clotilde djangan djadi tjoeriga, kaloe nanti ia dapet liat itoe djoeroe rawat. Ini djoeroe rawat berbadan koeroes dan tjoba ia tida pake pakean prempoean, orang tentoe kira ia ada saorang lelaki. Namanja V cky.
Tatkala Clotilde kloear, itoe djoeroe rawat soeda pergi dan tjoema itoe dokter saorang sadja berdiri di depan pintoe kreta.
Ia soeroe Clotilde naek dan kemoedian doedoek di sampingnja. Sabentar lagi itoe kreta djalan.
„Ada satoe resia hebat jang akoe soeda dapet taoe, toean,“ kata Clotilde pada itoe tabib, „Pastilah orang nanti tangkep itoe penipoe jang di sini seboet namanja Johan Goud, tapi sabetoelnja Alfred Vieux'emps. Akoe djadi istrinja jang sah. Ia telah tinggalken akoe dan anakkoe. la dateng kemari dan menikah sama Marie Smith.“
„Ini semoea kita nanti toelis dalem proces-verbaal,“ kata Jefferson. „Sabentar lagi kita sampe.“
Di depan satoe tembok tinggi itoe kreta brenti. Koesinja boeniken tjan boeknja bebrapa kali. Pintoe lantas diboeka dan itoe kreta masoek dalem pekarangan jang dikoeroeng oleh itoe tembok.
Di sana-sini kliatan orang orang lelaki dan prempoean, jang djalan moerdar-mandir. Laen lagi tinggal diam sadja. Bebrapa orang dateng lebi deket tatkala
