106
pagi. . . . . sekarang soeda lohor. Ia aken pikir, akoe tida bakal dateng lagi... . . . Kliroe, kliroe sekali kaloe kaoe tida pertjaja akoe nanti kasi pertoeloengan pada kaoe. Sigra akoe dateng. Itoe anak jang dibawa lari.“
Rogers menggrendeng saorang diri. „Apa tida ada satoe orang jang taoe, dimana adanja itoe anak? . . . Djadi segala apa ada bersarikat boeat bikin soesa ini prempoean tjilaka. . . . . la sekarang djadi prempoean pengawal dari njonja Goud...“
Rogers kloear dari kantornja dan boeroe boeroe pergi karoemahnja njonja Goud.
Sasampenja di itoe roemah djantongnja kolonel Rogers memoekoel lebi keras dari biasa. Pada boedjang jang boeka pintoe, ia minta di kasi taoe datengnja pada toean Goud.
Tatkala Alfred dapet denger, kapala poliție maoe bitjara padanja, moekanja djadi sanget poetjet.
Tapi ia sigra dapet kombali kasabarannja dan kasi prenta aken soeroe itoe kolonel masoek.
„Apa kaoe maoe dari akoe?“ ia menanja pada itoe kolonel sasoeda ia ini masoek dalem kamar bitjara.
„Apa disini ada satoe prempoean pengawal, satoe njonja Olanda dari Den Haag, njonja Vieuxtemps ?“
Sorot matanja toean Goud djadi beroba.
„Njonja Vieuxtemps minta pertoeloengan padakoe boeat tjariken anaknja jang ditjoeri orang,“ kata itoe kapala politie lagi.
„Ah. djanganlah pertjaja pada itoe prempoean boeaja,“ kata Alfred dengen soeara menghina. „Otaknja tida beres. Tida brentinja ia tjeritaken pada kita kedjadian kedjadian, jang semoea omong kosong “
„Kaoe kliroe. toean Goud,“ djawab Rogers. „Njonja Vieuxtemps boekan satoe boeaja dan djoega boekan
