107
gila. la ada satoe prempoean tjilaka jang telah dibikin kapiran oleh satoe djahanam; ia. . . . .“
„Apa akoe perdoeli sama itoe?“ Alfred potong bitjaranja. „Djangan tjeritaken lagi tentang itoe prempoean, jarg ingetannja tida betoel.“
„Toean Goud. . . . . akoe dateng disini boeat kapentingannja itoe njonja. Akoe djadi pembela dari ini njonja, djadi akoe kasi inget pada kaoe lebi doeloe.“
Alfred ketawa.
„Bagoes, bagoes sekali!" katanja. „Tapi ini tida meroba ini perkara, barang sedikit. Akoe tida perdoeli pada perhatian, jang kaoe taro pada ini njonja.“
„Akoe anggep sebagi kewadjibarkoe boeat membela ini njonja. Inilah adanja akoe poenja perhatian padanja.“
„Akoe tida bisa boeang tempo lebih lama boeat perkara begitoe,“ kata Alfred lagi dengen maksoed soepaja itoe kolonel djadi pergi dari sitoe.
„Dengen ini katerangan kaoe masi belon abis beroeroesan sama akoe, toean Goud,“ djawab Rogers dengen gaga. „Akoe maoe bitjara sama njonja Vieuxtemps dan akoe maoe djoega kaoe minta maaf padanja, sebab ada hina sekali boeat hinaken saorang jang tida ada, terlebih lagi itoe orang ada saorang prempoean jang tida berdaja.“
„Soenggoeh? . . . Tadi pagi itoe prempoean soeda pergi dar roemahkoe . . . . .Kaoe loepa pada siapa kaoe bitjara. Kaoe poenja kelakoean di sini ada ke- lakoeannja saorang jang koerarg adjar, jang moesti dilempar kloear oleh boedjang.“
Abis kata beg toe ia hendak boeniken lontjeng listrik.
„Tahan!" kata itoe kolonel „Kita berdepan pada satoe sama laen dalem satoe keadaan, jang tida aken
