108
bisa diroba oleh kedatengannja kaoe poenja boedjang, sebagimana kaoe ada harep. Akoe minta kaoe kasi ketjoekoepan, akoe, kolonel Rogers.“
„Tida ada satoe alesan boeat akoe bitjara lebi lama sama kaoe;“ djawab Alfred.
„Kaloe begitoe akoe nanti moesti paksa.“
„Kaoe mengantjem ?“
„Akoe minta ketjoekoepan. Saorang jang ada mempoenjai kahormatan tentoe djoega tida aken toelak.“
„Akoe bilang lagi sekali, akoe tida ada sebab aken perang tanding sama kaoe.“
„Soeda. Akoe kasi kaoe pilih: maoe tjamboek, apa maoe pistol. Kaloe kaoe tida maoe perang tanding sama akoe dengen pistol, akoe nanti labrak kaoe sama tjamboek sebagi hoekoeman boeat hinaan jang kaoe soeda netjapken tentang njonja Vieuxtemps. Perkara hinaan, jang kaoe hendak timpaken padakoe, itoelah akoe tida anggep. Saorang seperti kace tida bisa hinaken akoe.“
„Perang tanding sama pistol ?“ kata Alfred sambil angkat poendak. „Kaoe tentoe djadi mati dan inilah akoetida maoe.“
„Kaoe maoe poera poera djadi orang jang moera hati, soepaja kaoe bisa terlepas dari ini perkara tida enak? Tapi akoe tida Rasi lepas pada kaoe,“ kata Rogers lagi. „Akoe maoe kaoe kasi ketjoekoepan pada itoe prempoean tjilaka. Akoe moefakat sama sendjata apa sadja jang kaoe maoe pake.“
„Mengartinja, kaoe maoe akoe atawa kaoe moesti mati. Boekankah ini kaoe poenja maksoed ?“ tanja lfAred.
„Akoe maoe balesken itoe prempoean jang tida ada poenja penoeloengan dan akoe tida perdoeli tjara be-
