109
gimana. Sama pistol atawa sama pedang, sebagimana kaoe poenja soeka.“
Alfred mesam, sedarg moekanja jang tjakep, sekarang kliatan bengis.
„Kita bisa bikin beres ini perkara dengen djalan lebi gampang,“ katanja. „Sebab kaoe maoe djoega, baeklah akoe aken berklai sama kaoe. Tapi kita aken berklai se jara Amerika, sebab kita ada di Amerika“.
Moekanja Rogers kliatan sedih.
Itoe voorstel memang ada hebat sekali, tapi kahormatannja mewadjibken ia trima itoe voorstel.
Itoe perang Tanding tjara Amerika jalah ondeken djiwanja itoe doea orang jar g berklai. Jang kalah moesti boenoe diri pada harian jang di tentoeken.
„Kaoe berajal ?“ Alfred menanja.
„Perdjandjiannja ?“ tanja kolonel Rogers dengen soeara sedih.
„Kita ambil doea potong kertas, jang satoe lebi pandjang dari jang laen dan doea potong itoe kita taroh dalem satoe boekoe. Jang tarik kertas jang paling pendek, moesti boenoe diri liwat satoe taon diitoeng dari ini hari. Kaoe liat, akoe taro kapertjajaan besar pada kaoe poenja kedjoedjoeran.“
„Tida lebi besar dari kapertjajaan jang akoe taro pada kaoe poenja kedjoedjoeran lantaran bagoesnja itoe perdjandjian jang kaoe madjoeken,“ djawab itoe kolonel dengen menghina. „Marilah kita moelai.“
Alfred lantas goenting doea potong kertas, jang roepanja sama besarnja, tapi tida sama pandjangnja. Kemoedian ia taro itoe doea potong kertas dalem satoe boekoe, hingga apabila boekoe itoe ditoetoep, kliatan tjoema oedjoengnja kertas kertas, sadja.
„Nah! akoe kasi kaoe pilih“, kata Alfred sembari
