112
manoesia, jang di sini diseboet Johan Goud, dan di Europa diseboet Vieuxtemps, hendak oendjoeken akoe seperti orang gila soepaja dikoeboer disini idoep idoep.....“
„Tapi, tida! masi ada hakim dalem ini doenia; masi ada orang baek.“ Ia inget pada Rogers dan diam. Rasa amat sedih menggoda hatinja.
Ia tida dateng. Ia biarken sadja Clotilde saorang diri.
Clotilde telah tempik lamarannja. Sekarang ia tampik permohonannja Clotilde
Clotilde liat, bahoea itoe orang lelaki jang mergakoe djadi dokter dari ini roemah gila, melirik padanja.
„Akoe tida gila,“ katanja poela dengen sabar. „Kaloe kaoe ada saorang djoedjoer, kaoe sigra aken dapet taoe benernja perbilangankoe. Akoe telah ditipoe. Akoe ada satoe prempoean tjilaka, jang dibikin kapiran. Ini toean Goud, jang telah serahken akoe pada kaoe, sebab akoe boeka resianja, adalah soeamikoe, la soeda menikah sama akoe dan kamoedian disini ia menika poela. Ia ada satoe bangsat besar, jang telah tjoeri anakkoe. Ia......”"
„Brenti, njonja, brenti,“ Jefferson potong bitjaranja. „Semoea itoe nanti dioeroes. Tapi sekarang paling baek kaoe trima sadja nasibmoe dan akoe berdjandji, di sini nanti diperlakoeken dengen hormat.“
„Apa kaoe tida maoe denger bitjarakoe? Apa kaoe tida maoe kasi akoe pergi dari sini? Akoe maoe ketemoe sama hakim, pada siapa akoe bisa mengadoę. Akoe maoe hakim bikin papreksaan..... Apa ini bangsat moesti menang ? Ia poenja maksoed djahat sekarang toch soeda terang boeat kaoe? Ia maoe bikin poena akoe poenja pengadoean dengen menjataken akoe
