117
XV.
LOSMEN,,DE WALVISCH."
Hari soeda malem, tatkala kolonel Rogers pergi dari roemahnja djanda Van den Broek di Southstreet, di mana ia telah tanja katerangan. Tapi tentang tempat tinggalnja Clotilde dan iapoenja anak, ia tida dapet taoe barang sedikit.
Rogers pikir, sambil mentjari itoe anak, ia nanti tentoe ketemoe sama iboenja. Dalem itoe perkara ada. toeroet tjampoer doea koeli areng.
Tapi siapa bisa bilang pasti, itoe doea orang tiada sengadja bikin item moekanja, soepaja orang djangan bisa kenalin pada marika; pada hal marika sama sekali tida bekerdja areng ?
Dan kaloe sasoenggoehnja marika itoe ada koeli areng, toch marika tida bisa taoe djoega tentang tempat tinggalnja itoe anak. Siapa bisa taoe, di mana dan dalem tangan siapa itoe anak sekarang berada ?
Rogers djalan ka oedjoeng tanggoel, di mana satoe api mera menoendjoeken, bahoea di sana ada satoe getek, jang bawa orang orang jang djalan kaki menjeberang itoe kali.
Tatkala ia hendak toeroen dalem itoe getek, saorang lelaki hampirken padanja.
„Nell, apa kaoe soeda ada dapet keterangan?“ itoe hoofdcommissaris menanja.
Itoe orang jang ditanja ada satoe rechercheur.
„Bebrapa djam lamanja akoe mengoembara di dok dok, chef, tapi tida dapet hasil apa apa,“ djawab itoe politie resia, „pertama ada amat soesa aken tjari antara itoe ratoesan orang, itoe doea orang jang
