120
kaoe boeka doea-blas botol ?“
Harry tjoema gojang gojang kapala dan menoedjoe kapintoe, sedang jang laen laen ketawa keras.
„Kantongnja masi penoe oewang,“ kata jang satoe.
„Dari mana ia dapet oewang ?“ tanja jang laen. „Kantongkoe selaloe kosong.“
Nell djadi ketarik pikirannja oleh ini pertjakepan dan berichtiar boeat dengerken semoea.
„Ia telah trima warisan, boekan ?“ tanja saorang jang berbadan ketjil.
„Kaoe djadi sobatnja, kaoe tentoe taoe, Jim.“
„Harry senang,“ kata Jim, „ia dapet banjak oewang.“ Jim ketok medja.
„Oepanja !“ katanja dengen menjindir. „Ia tida oesa balik tangannja boeat dapet itoe oepa.“
Semoea orang djadi kepingin denger lebi djaoe.
Nell mendengerken betoel betoel dan djoega Rogers denger semoea, maskipoen matanja teroes mengawasi di laen djoeroesan.
„Apa sekarang kaoe diam ? Ajolah tjeritaken lebi djaoe,“ orang kata pada Jim.
„Ia ada rawat satoe anak,“ kata Jim, boeat itoe ia dapet banjak oewang.
„Djadi, ia djadi bapa angkat! Ajo, Jim tjeritakenlah lebi djaoe. Apa di sitoe ada tersangkoet resia?
„Ia, tida tjeritaken padakoe,“ djawab Jim. „Tapi pasti itoe anak ada mempoenjai hikajat aneh.
„Persetan, akoe belon perna dapet oentoeng begitoe,“ kata salah satoe koeli areng.
„Bah, kaloe akoe maoe, akoe djoega bisa dapet oewang dari ini perkara.“ Jim menggrendeng.
Koetika itoe satoe tangan ditaro atas poendaknja.
