14
II
DJAOE DARI TANA AER
Dalem satoe kamar ketjil di loteng ada doedoek saorang prempoean, jang parasnja tjantik, tapi poetjet, di pinggir tempat tidoer dari anaknja.
Itoe anak sedari lahir soeda sakit sakitan.
Bagaimana kaeadaan itoe nanti berachir ?
Tida brentinja itoe iboe memandang moeka anaknja aken tetapi dari bibirnja tida kloear djeritan djeritan jang sedih dan matanja tida menoempahken aer mata barang satetes.
Ia tida bisa lagi menangis.
Nasib tjilaka menimpah dengen hebat pada dirinja. Sadjek itoe malem Kerstmis, tida ada satoe saat jang ia merasa girang.
Pada itoe malem ia telah djatoh di saldjoe. Orang dapetken ia bersama anaknja, sasoeda ia stengah bekoe dan anaknja ampir mati.
Lantaran dirawat dengen baek oleh orang orang jang ia tida kenal, maka achirnja ia bisa brangkat ka Amerika. Dari sebab di Nederland ia tida ada harepan lagi, maka ia pergi ka Amerika dan dateng di New York boeat tjari soeaminja.
Ia kira, di New York gampang sadja ia aken dapet tjari itoe soeami jang kedji dan ini soeami nanti merasa kasian, kaloe tida sama dirinja, dan sama itoe anak jang djadi anaknja djoega.
Tapi sesampenja di New York, sigra ia mengarto bahoea harepannja itoe kosong belaka. Lantaran itoe ia merasa dirinja lebih tjilaka lagi dari doeloe.
Ia tida bisa dapet tjari itoe soeami jang tida setia
