127
XVI.
MARIE SMITH BIKIN PENDAPETAN.
Dalem roemanja toean Goud ada sepi sekali. Marie, jang merasa badannja soeda djadi lebih koeat, soeda kasi vrij pada boedjang boedjangnja boeat pergi tidoer. Ia tinggal saorang diri sadja dalem kamar ketjil jang amat terang. Alfred, seperti biasa, saben malem tida ada di roemah.
Dengen rasa tjape Marie bangoen dari krosinja boeat pergi ka kamar tidoer. la liwat Alfred poenja kamar tempat membatja. Waktoe liwat di sitoe ia rasa seperti menapas hawa loear biasa. Ia seperti tjioem baoe dara, lantaran mana badannja djadi goemeter.
Sasaat lamanja ia brenti bertindak.
Lampoe listrik-masi menjala dalem itoe kamar. Dari mana datengnja itoe baoe ? Apa itoe baoe tjoema ada dalem Marie poenja pikiran sadja ?
Antara Marie dan soeaminja memang soeda ada satoe perkara resia, saroepa halangan jang tida kl atan, sedeng sabetoelnja antara ia berdoea tida ada kedjadian perkara loear biasa.
Apakah jang bikin Marie Goud djadi dapet rasa begitoe koerang senang?
„Begimana hebat baoe ini!“ ia menggrendeng. „Datengnja dari sana ... di sana.“
Ia menoendjoek pada tempat, dimana soeaminja biasa doedoek di medja toelis.
Semangkin ia deketin semangkin keras baoenja. Marie berdiri di depan itoe medja toelis.
Latji latjinja dikoentji Mendadak Marie denger soeara kresekan. Apà soeaminja poelang ?
