128
Boekan.. brangkali satoe boedjang jang masi bekerdja. Itoe waktoe Marie inget, doeloe tatkala koentjinja Johan l'ang, ia ada pindjem koentjinja Marie poenja peti barang permata. Dengen itoe koentji Johan telah boeka itoe medja toelis.
Marie hendak ambil ini koentji, jang ia selaloe simpen dengen hati hati dalem satoe latji dari ia poenja medja toelis. Ia masoek dalem ia poenja kamar tidoer dan boeka itoe latji. Barang jang pertama ia liat, adalah koentji dari roemah ajahnja
Kenapa toch ia moesti dibikin inget poela pada itoe perkara sedih dan ngeri? Roman ajahnja djadi berbajang lagi di depan matanja. Ini koentji bikin ia djadi inget djoega pada Bob, itoe boedjang toea jarg tjilaka, jang masi sadja ada dalem tahanan, sebab dalem itoe roemah dari toean Smith tjoema ada satoe koentji dan tida ada satoe orang telah bisa klear dari itoe roemah, sebab djendela dan pintoe kedap tan dikoentji baek baek
Sabenarnja ada doea koentji.
Boeat per a na kali sekarang itoe pikiran timboel dalem Marie poenja kapala Tapi, kenapa ia moesti siksa dirinja dengen perkara begitoe ngeri ?
Kenapa pikirannja djadi iboek memikir itoe perkara sadja? Kenapa Marie djadi berdiri seperti soeda ditjipta djadi batoe?
Ada doea koentji dari roemah ajahnja. Koentji jang kadoea dipegang olehnja .... itoe koentji ia simpen dalem ini latji ketjil, jang bisa diboeka tjoema oleh ia saorang . . . . dan soeaminja.
Satoe perkara jang tida bisa diterangken, memaksa ia kombali ka tempat, di mana tadi ada itoe baoe dara . . . .
