15
bagi anaknja.
Ia soeda tjoba segala roepa, tapi semoea pertjobaan itoe tida berhasil.
Apa ia moesti bikin ?
Apa ia aken moesti alemken lagi ?
Obat boeat anaknja soeda abis dan oewang boeat beli obat baroe, tida ada.
Sewa kamar soeda bebrapa minggoe tida dibajar.
Soeara tindakan keras kadengeran. Pintoe diboeka dengen kasar dan saorang lelaki dengen moeka kasar dan badan lebar masoek dalem itoe kamar.
„Mana sewa ?” ia menanja dengen soeara kasar.
Dengen kaget itoe prempoean moeda bangoen dari krosinja.
„Sabarlah sedikit.“ ia memoehoen, „anakkoe sakit keras, akoe tida bekerdja.”
„Akoe tida maoe taoe sama segala omongan itoe ! Akoe minta sewa, laen tida !”
„Djanganlah begitoe kedjam ! kasianlah sedikit dan sabarlah lagi sedikit waktoe.”
„Sabar? ... tida ! ... kaloe ini maken akoe tida trima oewang sewa jang belon dibajar, akoe oesir kaoe dari sini, akoe tida maoe taoe sama segala pengemis ... sampe nanti malem !“
Itoe orang kasar lantas pergi sasoeda ia toetoep pintoe dengen tendangan.
„Apa moesti dibikin ?” Clotilde menangis dengen amat sedih.
Tida ada roti, tida ada obat boeat anaknja, ditambah lagi tida ada tempat tinggal ...
Apa tida ada djalan boeat toeloeng dirinja dari itoe kasoesaan ? Apa sama sekali tida ada djalan ?
Sabentar melam orang aken dateng oesir ia dan
