132
Ia bongkoken badannja dan poengoet itoe kemedja dan piso. Kemoedian ia ambil sapotong kertas, dalem nana ia boengkoes itoe doea matjem barang. Poetoesannja soeda begitoe tetap, hingga tida saorang aken bisa bikin ia oeroengken itoe poetoesan: Ia ambil satoe mantel dan satoe kain koedoeng, pake itoe dan bawa itoe boengkoesan, jang ia taro atas satoe krosi males.
„Pergi pada politie,“ ia menggrendeng. „Lebih doeloe pergi pada inspecteur Bernard. Ia jang moesti tangkep itoe pemboenoeh.“
Ia menoedjoe ka pintoe . . . K„aloe seandenja Johan sekarang poelang,“ katanja saorang diri dengen rasa takoet djoega sedikit.
Tapi Marie tida menampak halangan soeatoe apa.
Kendati soeda djaoe malem, toch ia maoe djoega pergi pada inspecteur Bernard dan tjeritaken padanja semoea apa jang ia taoe. Bernard bisa toeroet sama ia pergi ka roemahnja boeat menoenggoe datengnja itoe pendjahat dan tangkep padanja.
Marie lantas djalan kloear dari roemahnja. Tali jang pengabisan, jang telah iket ia sama Jotan Goud, soeda dibikin poetoes.
SI DJOEROE RAWAT.
Di waktoe malem pada itoe hari djoega, tatkala soeda moelai gelap, satoe kreta brenti di depan pin- toe dari roemah sakit gila dari dokter Jefferson.
Alfred toeroen dari itoe kreta, kasi prentah pada koesir boeat menoenggoe dan boeniken lontjeng.
Toekang djaga pintoe lantas boeka pintoe. Alfred hampirken padanja. „Akoe dateng boeat ketemoe sama saorang sakit,“
