139
„Tapi kaoe pikir, akoe soeda djadi gila. . .“
„Bagimana kaoe telah dateng di sini ?“
„Akoe nanti kasi taoe . . . Akoe djadi korbannja satoe bangsat besar. Akoe ditinggalken oleh soeamikoe . . .“
„Siapa kaoe poenja soeami ?“
„Apa kaoe taoe ajahkoe, tempo ia perbaekin keadaan tanah tanahnja, telah wadjibken pakerdjaan itoe pada ingenieur Vieuxtemps?“
„Ia, akoe inget itoe nama. Akoe sering denger namanja diseboet, tapi akoe belon pernah liat roepanja. Djoestroe pada itoe waktoe akoe brangkat, akoe maoe tjoba tjari oentoeng di Amerika sini. Akoe kira, di sini akoe lantas bisa dapet sepoeloe kali lebih banjak dari di Den Haag. Tagi sabenarnja tida begitoe. Akoe kakoerangan segala barang jang perloe dan kalaparan. Di mana mana akoe dapet tjoema pakerdjaan djelek sampe achirnja pada taon doeloe akoe dipakerdjaken di sini seperti djoeroe rawat.“
„Itoe Vieuxtemps ada satoe setan“, kata Clotilde lagi. „Ia telah meroesak pengidoepankoe. Apa kaoe kenal millionnair Goud? Johan Goud? Itoelah Vieuxtemps. Ia telah menikah doea kali dan djadi pemboenoeh.“
Frits Scherer memandang di sakiternja dengen takoet.
„Djangan bitjara begitoe keras,“ katanja.
„Kaoe kira, orang aken anggep akoe seperti saorang gila jang berbahaja. Tapi akoe bersoempah, segala katerangankoe ada benar. . . . Itoe setan telah soeroeh koeroeng akoe di sini seperti saorang gila dan ia bersiap aken lakoeken satoe kedjahatan pada dirikoe..“
„Semoea orang jang denger kaoe bitjara begitoe,
