140
aken pertjaja, behoea kaoe betoel gila... Akoe sendiri ...“
„Dengerlah akoe sampe abis, kasi akoe tjeritaken semoea; kaoe nanti toeloeng akoe. Kaoe kenal akoe. . . .“
„Akoe nanti toetoep doeloe pintoe loear soepaja orang tida bisa denger kita.“
Sasoeda toetoep itoe pintoe ia kombali dalem itoe kamar.
„Djadi kaoe telah menikah dengen ingenieur Vieux-temps?“ ia menanja.
„Kaoe boleh pertjaja tiap tiap perkataan jang akoe oetjapken, toean Scherer,“ djawab Clotilde. „Akoe telah dibawa kemari lantaran itoe djahanam, jang boeat kadoea kalinja telah menikah di New York sini dengen anak prempoean jang toenggal dari millionnair Smith dengen pake nama palsoe Johan Goud.“
„Tapi, tjoba bilang bagimana kaoe poenja ajah, jang begitoe so nbong atas nama familienja, bisa kasi kaoe djadi istrinja itoe ingenieur Vieux emps?“
„Ajahkoe.... tida maoe perdoeli lagi sama akoe. Akoe lari dari roemah orang toeakoe boeat ikoet sama itoe pemboedjoek. Akoe itoe waktoę masih belon taoe mengalamin keboesoekannja doenia. Akoe sigra pertjaja pada soempah scempahnja Alfred Vieuxiemps. Ia poenja roepa jang bagoes, tingkah lakoenja-jang tida kikoek dan ia poenja djandji djandji telah bisa memboedjoek hati koe. Akoe pertjaja padanja.... akoe ikoet padanja..akoe lari dari roemah orang toeakoe. . dan kita menikah dengen resia“
„Itoe ada satoe perboeatan hina dari itoe orang,“ kata Frits Scherer dengen moerka, „Ia tjoema pandang kaoe poenja kakajaan.“
