141
„Sasoenggoehnja beggitoe, tapi itoe waktoe akoe belon doega begitoe. Akoe brangkat toeroet sama dia . . . Iboekoe meninggal lantaran soesah hati ajankoe koetoekin akoe. Akoe masih inget . . . . pada soeatoe malem jang sanget dingin dalem moesin dingin akoe ko mbali pada ajahkoe, tapi ia oesir akoe, kendati itoe waktoe ada toeroen oedjan saldjoe dan angin keras . . . .“
Clotilde goemetar. la semboeniken moekanja dalem tangannja.
„Kuwat sekali,“ kata Frits Scherer dengen sanget terharoe. „Dan itoe orang jang telah boedjoek pada kaoe, soeda tinggalken kaoe ?“
„Sasoeda kita menikah dan tinggal sedikit tempo bersama sama, ia brangkat dan tida kombali lagi. Akoe melahirken satoe anak Kasengsaraankoe tambah besar. ... Kita, jaitoe anakkoe dan akoe, kadinginan dan kalaparan. Akoe koempoelken segala apa jang akoe masih ada poenja dan ambil poetoesan aken tjari itoe soeami jang tida setia, sebab akoe masi tjinta padanja . . . akoe masih selaloe tjinta padanja.“
„Soenggoeh sajang itoe katjintaan, njonja. Itoe orang ada satoe djahanam,“ kata Scherer dengen bernapsoe.
„Betoel . . . sekarang. Sekarang akoe bentji dan pandang hina padanja. Tapi dengerlah lebih djaoe. Dengen anakkoe jang sakit akoe tjari padanja. Akoe dateng di New York dengen sakit dan tida poenja oewang. Akoe tahan sadja itoe semoea. Akoe moesti kasi makan pada anakkoe, jaitoe, satoe satoenja milik jang akoe masih ada poenja dalem ini doenia.. Akoe moesti djaga padanja. Kemoedian akoe ketemoe sama saorang lelaki jang berhati bangsawan dan dermawan,
