16
dan ia soesa bisa tjari makan bagi dirinja sendiri dan anaknja ... anaknja jang sakit keras. ...
Dan kemoedian ?
Kemoedian tida ada laen djalan lagi dari pada mati.
Mati dengen sengsara ...
Lantaran terlaloe memikir kasengsaraannja maka Clotilde tida dapet denger, bahoea pintoe kamarnja diketok dan kemoedian diboeka, tatkala tida dikasi penjaoetan.
Saorang lelaki jang berbadan tinggi dan romannja seperti orang militair, masoek dalem itoe kamar.
Ia seboet namanja itoe prempoean moeda, jang lantas berpaling dengen tjepat dan djadi goemetar.
„Astaga ! Itoe kolonel,“ ia berbisik.
„Akoe girang sekali, bisa memberi salam pada kaoe, njonja,“ katanja itoe tamoe, jaitoe hoofdcommissaris van politie Rogers.
„Bagaimana kaoe telah dateng ke sini ? Bagaimana kaoe taoe ...“
„Djangan kaget, njonja,“ kata itoe kolonel jang telah bertindak lebih deket dan pegang tangannja Clotilde.
Ia liat moeka jang poetjet dan keoeroes dari itoe prempoean moeda.
„Achirnja akoe soeda dapetken kaoe. Kabetoelan akoe dapet taoe kaoe poenja tempat tinggal. Bagaimana beroentoeng adanja akoe sekarang ketemoe poela sama kaoe.“
Clotilde toendoeken matanja. Moekanja merah, lantaran di-pandang oleh itoe kolonel. Hatinja terlaloe terharoe hingga ia tida bisa kasi djawaban.
„Kenapa kaoe tida kasi kabar padakoe, di mana kaoe tinggal ? Kaoe taoeh taoe, bagimana sanget akoe memperhatiken kaoe poenja keadaan.“
„Akoe telah berdiam di sini sama anakkoe boeat...“
