143
„Demikianlah orang bawa akoe kemari dengen tipoe.....“
Itoe pembitjaraan dibikin poetoes.
Pintoe diketok.
„Vicly.“ kata Scherer dengen pelahan.
„Itoe djoeroe rawat... Kasia lah sama akoe. Toeloenglah akoe, Moekanja itoe prempoean bikin akoe djadi takoet,“ kata Clotilde, djpega dengen pelahan.
„Akoe nanti toeloeng,“ djawab Frits Scherer, „Tapi akoe nanti lantas pergi dari sini. Djangan poetoes harepan. Akoe nanti toeloeng, akoe nanti kombaliken kaoe poenja kamerdikaan.. Besok akoe kombali.“
Dengen tjepat ia kloear dari itoe kamar dan koentji poela pintoenja. Kemoedian ia boeka pintoe depan.
Vicky berdiri di depannja dengen pegang doea botol aer.
„Apa kaoe bikin disini ?“ Ia tanja dengen sanget heran.
„Akoe telah pergi liat itoe orang orang sakit, Vicky.“ djawab Scherer sembari tjoba memaen dan kata lagi:
„Akoe djadi sobatnja orang orang prempoean, sebagimana kaoe memang soeda tave: Semoea aken djadi lebih baek, kaloe kita toekar pakerdjaan kita. Kaoe bekerdja dalem akoe poenja afdeeling dan akoe dalem kaoe poenja afdeeling.“
Vicky ketawa dan masoek dalem itoe roemah sisir, sedang Scherer kloear dari pintoe blakang,
Vicky bawa satoe botol aer boeat itoe dea orang gila jang dikoeroeng dalem itoe roemah sisir.
