144
XVII.
NJONJA PAKE KAIN KOEDOENG BIROE.
Kolonel Rogers lama beromong omong dengen ia poenja sobat, inspecteur Bernard.
Doea doea orang itoe doedoek beromong omong dalem kamar bekerdja dari itoe inspec eu. Rogers tjeritaken, ia telah tida bisa boentoetin Hary sampe di roemahnja dan oleh kerna itoe ia telah tida bisa dapetken itoe anak Jim dan Harry mengilang dalem gelap di blakangnja satoe baris roemah roemah ketjil. Rogers dan Nell tida bisa dapetken marika poela.
„Hm!“ kata Bernard sembari berpikir. „Tapi kaoe toch soeda dapet taoe satoe tempat, dimana kaoe bisa dapetken itoe orang orang jang kaoe tjari.“
„Akoe tida aken menoenggoe lama,“ kata kolonel Rogers. „Apabila hari soeda siang, akoe nanti pergi ka kota depan, jang pernahnja di sebrang sana dari kali. Itoe kota depan loeasnja sampe di menara api.“
Itoe waktoe lontjeng diboeniken dengen keras.
„Orang maoe bitjara sama akoe,“ kata Bernard sambil bangoen dengen tjepat dari krosinja dan kloear dari itoe kamar.
Jang dateng adalah Marie Goud.
Kolonel Rogers, jang djoega bangoen dari krosinja dan berdiri di depan itoe kamar, bisa liat itoe njonja millionnair dalem gang jang terang.
Ia ada kempit satoe boengkoesan dan kliatannja begitoe goegoep, hingga inspecteur Bernard bermoela tida kenalin padanja.
Ia oendang itoe njonja aken masoek dalem ia poenja kamar bitjara.
