147
Marie. „Panggil toch ia dateng di sini.“
„Kolonel Rogers nanti soeroe panggil, sedang akoe aken pergi ka roemahmoe boeat menoenggoe datengnja itoe orang jang bersalah.“
„Baeklah,“ toean Bernard. „Djalanken kaoe poenja kewadjiban. Kematiannja ajahkoe moesti dibales.“
Itoe doea toean toean lantas bersiap.
Marie kasiken koentji roemahnja pada itoe inspecteur. Kemoedian, bersama doea inspecteur van politie, ia pergi dari roemahnja Bernard.
Sedang Bernard pergi ka Clinton-street, boeat tangkep Alfed, Rogers dan Marie ambil satoe kreta, jang brenti di tikoengan djalanan dan pergi ka pendjara, di mana Bob ditahan.
Kendati soeda djaoe malem, toch pintoenja diboeka. Kolonel Rogers soeroe bangoenken d recteurrja itoe pendjara. Marie menoenggoe dengen tida sabar waktoenja ia aken kasi taoe pada itoe boedjang toea, bahoea ia sekarang merdika poela.
Itoe directeur dateng dengen boeroe boeroe. Rogers lantas tjeritaken padanja apa jang soeda kedjadian.
Dengen amat heran itoe directeur panggil saorang djaga dan kasi prentah aken djalan di moeka bawa lantera dan boeka kamarnja Bob.
Di oedjoengnja satoe gang jang gelap adalah kamarnja Bob, di sebla kamarnja saorang jang soeda di boetoesken aken naik di tiang pegantoengan. Lantaran poeninja pintoe jang diboeka, Bob djadi bangoen dari jempat tidoernja.
Sambil mendjerit Marie lari masoek dalem itoe kamar dengen oeloerken kadoea tangannja pada itoe boedjang toea.
„Bob, Bobkoe jang baek dan setia,“ katanja sambil
