149
pintoe pintoe dari itoe roemah makan dan selamanja saperampat djam tida satoe orang boleh kloear dari sitoe.
Kemoedian ia masoek dalem kamar tetamoe, dimana masi ada bebrapa te amoe. Di sitoe tida ada Johan Goud. Jang poenja roemah makan hampirken padanja dan kata, soeda bebrapa lamanja tida ada dateng tetamoe baroe.
Tentoelah itoe toean, jang telah diliat oleh Bernard, telah pergi ka laen tempat Sebab pintoe moeka dikoentji, itoe toean tentoe tida bisa kloear djalan itoe pintoe. Bernard djadi kloear dari itoe roemah makan djalan pintoe da em, naek tangga dari roemah di atas itue roemah makan.
Sasampenja di loteng pertama Bernard liat satoe pintoe jang dubbel la tekan knopnja lontjeng. Ini pintoe lantas terboeka lantaran itoe tekanan bikin bergerak satoe pekakas dalem salah satoe kamar di itoe loteng.
Itoe inspecteur masoek dalem pertengaan roemah jang tida begitoe terang dan di mana tida ada orang. Ia hampirken satoe pintoe jang paling deket dan ketok.
„Masoek!“ kata satoe soeara jang Bernard pikir ada soearanja orang prempoean, Bernard lantas masoek.
Dalem itoe kamar, di mana ada menjala satoe lampoe, ada doedoek satoe njonja, memake mantel jang bagoes dan topi model baroe, Moekanja pake kain koedoeng warna biroe.
Itoe njonja dan sadja menenggoe Bernard bitjara.
Ini inspecteur mendjoera dan memandang dalem itoe kamar ia menanja:
„Apa baroesan ini di sini tida ada satoe toean? Toean Johan Goud? . . . Akoe tjari ia boeat satoe perkara sanget penting.“
