150
„Toean Johan Goud ?“ itoe njonja oelangken dengen soeara tertahan. „Tida, toean.“
„Ia ada dalem ini roemah,“ kata Bernard dengen tetap.
„Boleh djadi toean, tapi tida ada dalem ini kamar. Ini kamar ada poenjakoe. Akoe baroe masoek dan semoea ada tertoetoep,“ djawab itoe njonja. „Tapi, kaloe kaoe kira ia ada semboeni disini, akoe soeka idzinken kaoe bikin papreksaan.“
„Baeklah, akoe aken goenaken kaoe poenja idzin, njonja,“ kata Bernard lagi, „sebab itoe njonja menimboelken ia poenja rasa tjemboeroe. Apa akoe boleh pasang ini lilin ?“
Itoe njonja idzinken dengen manggoetken kapalanja. Bernard hampirken medja di mana ada satoe lilin ditantjep dalem tempat lilin. Ia pasang itoe lilin dan pegang sama tangannja jang kiri, sedang tangannja jang kanan kloea ken ia poenja revolver.
Roepanja itoe njo ja djadi sanget koerang senang meliat itoe sendjata. la pindah doedoek di podjokan dari itoe kamar, tapi Bernard tida perhatiken.
Sasoeda preksa itoe kamar dengen teliti, Bernard dapet kepastian, Johan Goud tida ada disitoe.
„Apa njonja idzinken akoe preksa kamar seblah?“ Bernard menar ja:
„Boleh, toean,“ djawab itoe prempoean dan doedoek seperti ia hendak menoenggoe kasoedaannja itoe papriksaan.
Bernard boeka satoe pintoe dan hawa oedara jang masoek, ampir bikin padem itoe lilin. Itoe kamar seblah ada sanget besar dan diprabotin bagoes sekali. Tapi djoega di sitoe Bernard tida dapetken apa apa.
Tatkala Bernard dapet kenjataan di sitoe djoega tida ada jang ditjari, ia lantas kombali pada itoe njonja,
