17
Ia berajal dan angkat matanja memandang pada itoe tetamoe, jang mengawasi padanja dengan aloes.
Itoe tetamoe kenal hari jang moelia dari ini prempoean, jang, dengen tida minta pertoeloengannja laen orang, telah tjoba lakoeken perklaian jang soeker oentoek pengidoepannja.
„Djadi kaoe soeda loepa,“ kata kolonel Rogers lagi, „bahoea boeat akoe, kaoe djadi prempoean jang akoe paling tjinta dari antara sekalian orang prempoean dan bahoea akoe maoe djadi kaoe poenja sobat.
Sadjek itoe hari, jang kaoe pertama kali dateng di Amerika sini dan lantaran kabetoelan akoe berkenalan sama kaoe, hatiku merasa sanget ketarik pada kaoe. Apa kaore tida taoe, bagaimana beroentoeng adanja akoe, tatkala kaoe kasi kapertjajaanmoe padakoe ? Bagimana hatikoe merasa sanget ketarik pada anakmoe ? Akoe telah tida sajang boeat boeang soesa pajah aken tjari taoe kaoe poenja adres dan ini hari soesa pajah itoe berhasil.“
„Djangan goesar padakoe.“ djawab Clotilde dengen aer mata berlinang linang. „Akoe tida bisa, akoe tida boleh menggoenaken lebih lama lagi kaoe poenja kabaekan.“
„Clotilde !“ katanja itoe kolonel dengen meloepaken segala peradatan, „apa kaoe kenal akoe begitoe sedikit ? Apa kaoe taroh kapertjajaan begitoe sedikit pada kedjoedjoerankoe ? Brapa banjak sengsara kaoe soeda tanggoeng. ...
„Apa itoe ?“ ia teroesken bitjaranja dengen mendadak, tatkala ia liat moekanja Clotilde poenja anak. „Itoe anak dapet sakit keras dan akoe sama sekali tida taoe. Djanganlah semboeniken apa apa boeat akoe. Boekankah akoe haroes taoe semoea.“
