154
tjinja, soepaja orang kira Vicky loepa tjaboet kombali.“
Clotilde ikoetin Scherer dan ini djoeroe rawat bitjara saorang diri:
„Siapa bisa kira, akoe aken bisa djadi penoentoen dari gravin Limburgh?...“
Baroe sadja marika kloear dari itoe roemah sisir, tatkala Scherer mendadak brenti bertindak. Clotilde, dengen amat kaget, pegang tangannja.
„Ada apa ?“ ia menanja dengen berbisik, sedang seloeroeh toeboehnja goemetar.
„Orang djaga jang djalan ronda.“
„Kaloe ia liat sama kita“
„Djangan takoet.“
Ta kala tindakannja itoe orang djaga dateng lebih deket, Scherer tarik Clotilde masoek dalem gang dan koentji pintoenja itoe gang.
„Apa itoe orang djaga aken djalan liwat itoe roemah sisir atawakah aken masoek?“
Scherer ketawa dengen pelahan.
„Ia males sekali,“ katanja dengen berbisik, „ia tida soeka tjapeken dirinja. Apa kaoe liat ? Ia sekarang soeda liwat.“
Clotilde menapas lebih senang.
Pelahan pelahan tidakannja itoe tida kadengeran lagi.
„Sekarang ia bikin ronda dalem roemah besar dan kita tida aken liat ia poela,“ kata Scherer dengen berbisik. „Lagi saperampa djam ia tidoer seperti mati.“
„Apa kita bisa liwatin dia?“
„Djangan takoet, njonja, kita sekarang tida aken ketemoeken ia lagi. Besok paginja ia aken garoek kapalanja lantaran heran.“
„Akoe dapet poela harepan baroe, toean Scherer.“
Dengen hati hati itoe djoeroe rawat boeka poela
