155
pintoenja itoe roemah sisir. Itoe orang djaga soeda tida kliatan lagi. Scherer toentoen poela tangannja Glotilde Dengen hati hati itoe doea orang djalan lebih djaoe.
Sheree kloearken satoe koentji dari kantongnja Dan berbisik :
„Bagimana heran marika nanti besok pagi. Marika nanti menanja, apakah sasoenggoenja Kita soeda pandjat itoe tembok jang tinggi, sebab tida satoe orang aken doega akoe soeda kasi kaoe lari."
Ia masoeken itoe koentji dalem lobang koentji dan kata lagi:
„Di sitoe ada satoe djalanan lebar, di seblah kanan ada tempat pekoeboeran, pergi di itoe djoeroesan, njonja Vieuxtemps, tapi pergi ka seblah kiri. Sekarng akoe poedjiken kaoe banjak oentoeng. Madjoelah dengen gagah boeat dapetken kaoe poenja maksoed“
„Trima kasi, trima kasi banjak, toean Scherer. Kaoe soeda toeloeng saorang jang bertjilaka.“
„Malem baek dan teroetama inget pergi ka kiri,“ itoe tjoeroe rawat berbisik lagi
Clotilde mendadak berada di satoe djalanan jang pandjang. la denger Scherer koentji poela itoe pintoe.
Angin jang dingin dari waktoe soeboeh bertioep di moekanja. la berdiri di sitoe saorang diri sadja. Bermoela ia tida bergerak barang sedikit. Itoe waktoe soeda kira kira djam tiga pagi. Sabentar lagi hari soeda
Pikiran pertama, jang timboe dalem kapalanja Clotilde, jalah mendjari anakoja. la moesti bisa berada di tempat djaoe dari ini roemah gila, apabila hari soeda siang. Aken tetapi ia tida taoe djalan dan tida menanja. la mengoembara sadja dengen oentoeng oentoengan.
