160
pikirannja itoe njonja tatkala ia mendadak dapetken itoe boekti boekti. Dan itoe orang, jang ia serahken pada politie, ia telah tjinta, tjinta sanget.
Bernard pasarg koepingnja.
Lontjeng diboeriken.
Apa Johan Goud jang sekarang poelang ? Apa ia tida ada koentji sendiri? Bernard tida berajal aken bekerdja seperti toekang pintoe: Ia poenja lentera listrik ia soeda pademken apinja. Ia ambil lampoe dari lemari soepaja bisa meliat tangga, djalan mana ia moesti toeroen. Sasampenja di bawah ia taro itoe lampoe atas satoe medja di pertengaan roemah dan boeka pintoe.
Marie masoek.
Ia meng wasi pada Bernard seperti orang hendak menanja, tatkala ia kata:
„Apa ia belon dateng?“
Bernard koentji poela itoe pintoe dan mendjawab tjoema dengen gerakan tangan.
„Apa kaoe kenal satoe njonja, jang berpakean perlente dan kain koedoeng biroe?“ Bernard menanja.
„Kenapa kaoe tanja begitoe, toean Bernard?“
„Akoe perloe dapet itoe katerangan. Tjobalah inget, apa kaoe ada kenal satoe njonja seperti itoe ?“
„Satoe njonja? Bagimana roepanja ?“
„Perlente, sebagimana akoe soeda bilang. Potongan badannja bagoes, tingkah lakoenja aloes, potongan moekanja aloes, boeat sebegitoe djaoe akoe bisa liat itoe moeka jang ditoetoep sama kain koedoeng biroe.“
„Tapi tjobalah bilang brapa djaoe akoe ada mempoenjai kapentingan dengen itoe njonja?“
„Akoe tjoema maoe taoe apa kaoe ada kenal, apa Goud ada kenal sama dia.“
„Kaoe maoe bilang....“
