161
„Akoe belon ada kepastian apa apa, njonja, tapi akoe kira telah liat Goud masoek dalem satoe roemah, dimana sasaat kemoedian akoe ketemoeken itoe njonja jang pake kain koedoeng biroe“.
Marie djadi goemetar.
Moekanja, jang kliatannja soeda begitoe sedih dan poetjet, djadi lebih sedih kliatannja. Tapi ia bisa tahan sabarnja dan kata:
„Akoe kira akoe poenja prempoean pengawal ada pake kain koedoeng biroe, jaitoe njonja Vieuxtemps, tapi tida boleh djadi kaoe telah ketemoeken dia, sebab ia ada dalem roemah gila.“
„Akoe koeatir, di sini akoe menoenggoe dengen pertjoema pada Goud dan tempokoe jang berharga djadi ilang, kata itoe detective lagi. Ia tentoe soeda liat akoe atawa ia doega, kaoe soeda dapet apa apa dan begitoe ia djadi tida maoe poelang.“
„Poekoel brapa sekarang, toean Bernard?“
„Liwat djam doea, njonja.“
„Kaloe begitoe, akoe djoega merasa sangsi apa ia aken dateng.“
„Akoe aken ambil segala atoeran boeat menjeganh ia lari. Sekarang tida boleh ilang tempo barang satoe djam. Kaloe nanti ia poelang, akoe harep kaoe nanti djangan kasi ia taoe apa apa, baek dengen perkataan maoepoen dengen gerakan, kaoe djangan bikin ia djadi taoe tentang apa jang kaoe soeda dapet taoe. Poera poera seperti kaoe tida taoe soeatoe apa, soepaja ia pikir dirinja slamat Di waktoe pagi, apabila ia tidoer, kaoe soeroe orang kasi taoe padakoe.“
„Akoe nanti berlakoe precies sebagimana kaoe poenja titah titah, toean Bernard,“ djawab Marie,
Sasoeda itoe detective brangkat, Marie toetoep la-
