166
djawab atas pertanjaannja Marie.
„Liat, itoelah akoe sama sekali tida bisa mengarti, Vicky,“ kata Jefferson. „Tentang hal itoe akoe djadi goesar. Akoe marah lantaran satoe kedjadian, jang boekan sadja membikin roesak namanja akoe poenja roemah sakit, hanja poen boeat akoe aken membawa keroegian besar... Begimana itoe pintoe bisa terboeka? Dan bagimana itoe prempoean telah bisa kloear dari pekarangan dalem ?“
„Tentang hal ini akoe tida bisa kasi katerangan, toean Jefferson.“
„Akoe sendiri soeda saksiken, bahoea orang djaga ada djalan ronda bebrapa kali dan toekang pintoe soeda koentji pintoe besar.“
„Apa tida ada laen pintoe ?“ Marie menanja poela.
„Ada lagi satoe pintoe blakang, tapi itoe pintoe, jang djoega soeda dikoentji baek, djarang sekali dipake. Tida ada tangga, tida ada soeatoe djalan laen boeat bisa lari.“
„Djadi, moesti salah satoe penggawe dari ini roemah sakit soeda menoeloeng itoe prempoean, tegasnja, kaloe sadja ia tida semboeni dalem ini roemah. Ini boekannja tida bisa djadi,“ kata Marie.
„Apa semoea soeda dipreksa ?“ Jefferson menanja pada itoe djoeroe rawat.
„Doea orang jaga dan pengoeroes soeda preksa di mana mana, tapi tida dapetken soeatoe apa,“ djawabnja.
„Dan apa tjoema kaoe saorang jang pegang koentji dari itoe kamar ?“ Marie menanja poela pada itoe djoeroe rawat.
„Akoe sendiri sadja, njonja.“
„Djadi orang soeda pake kaoe poenja koentji boeat
