169
XX
DALEM MENARA API.
Dengen napas tersergal sengal, saban satindak ampir djatoh lantaran lelah, demikianlah Clotilde telah masoek dalem itoe menara api. la pikir di sitoe ia aken bisa dapet perlindoengan. Maski di sakiter sitoe tida ada satoe orang, pada siapa ia bisa minta toeloeng, la harep dalem itoe menara nanti ada satoe penggawe, jang aken menoeloeng padanja.
Tatkala ia sampe di bagian bawah dari itoe menara, ia denger di leear tindakan jang tjepat dari itoe prempoean jang boeroe padanja.
Lagi sasaat dan ini moesoe aken soeda masoek djoega dalem itoe menara.
Clotilde tida ambil tempo lagi boeat memandang di sakiternja. la lari hampirken pintoe jang pertama dan boeka itoe pintoe. la liat satoe kamar tidoer ketjil boeat satoe orang djaga, tapi itoe kamar kosong, tida satoe orang ada kliatan. Clotilde doega, itoe orang tentoe ada di atas. Di sampingnja ada satoe tangga batoe, jang pastilah pe gi sampe di atas itoe menara. Clotilde naek di tingkatannja itoe tangga. Ia memandjat itoe tangga dengen boeroe boeroe dan dengen dengkoel goemetar la sampe di satoe tempat, di mana itoe tangga.abis. Di depannja ada doea pintoe. Clotilde tida bisa naek lebih tinggi lagi, sebab itoe tangga tida djalan teroes. Maka ia boeka salah satoe pintoe itoe dan masoek di satoe pertengaan, dalem mana ada satoe djendela. Dari ini pertengaan orang bisa sampe di lankan, jang dikiterin oleh roedji besi. Pintoe aken pergi ka itoe lankan ada terboeka, Itoe waktoe Clotilde
