19
„Djanganlah bitjara begitoe, Clotilde, peroentoengankoe, segala apa dari dirikoe ada bergantoeng dari kaoe.“
„O, Allah ! Djanganlah siksa akoe lebih lama. Kaoe poenja lamaran ada satoe kahormatan bagikoe dan membikin terharoe hatikoe. Akoe kepingin sekali bikin kaoe djadi beroentoeng, pertjajalah, tapi akoe tida bisa djadi istrimoe.“
„Kenapa kaoe tida maoe ? Apa kaoe ada sebab boeat toelak lamarankoe ? Akoe sanget tjinta pada kaoe, Clotilde, akoe bisa kasi nama dan deradjat jang baek pada kaoe .... Tjobalah pikir.“
„Akoe tida oesah pikir tentang itoe, kolonel. Akoe tida bisa trima kaoe poenja lamaran.“
„Bilang dan, kenapa tida bisa,“ kata itoe hoofdcommissaris, „Apa kaoe tida lagi merdika ? Apa di laen tempat ada tali jang mengiket pada kaoe ?“
„Ja, akoe tida merdika lagi. Soemikoe masih idoep. Dan boeat tjari padnja, maka akoe telah dateng di New York.“
Satoe keloehan, jang menandaken poetoes harepan, kadengeran dalem itoe kamar, dalem mana ada tidoer itoe anak jang sakit.
„Apa ... Kaoe poenja soeami masih idoep ? ... Apa itoe boleh djadi ? Kaloe is idoep, ia toch mesti ada disini ... Ia toch tentoe djaga istri dan anaknja ? ... Bagimana ia bisa biarken kaoe saorang diri sadja dengen menanggoeng sengsara ? Ia djadi satoe soeami jang tida patoet ...“
„Kolonel, kaoe bitjara tentang soeamikoe, ajahnja anakkoe ...“
Rogers diam, lantaran kaget mendenger tjara jang moelia, dengen mana itoe prempoean membela soea-
