173
itoe anak ada poenjamoe."
Clotilde liat Rogers naek sampe di depan pintoe dari itoe menara. Di sitoe ia tida bisa liat lagi pada itoe kolonel. Tapi, tida apa, ia dateng toeloeng padanja. Sembari naek Rogers dapet liat bahoea itoe pintoe dikoentji. Tapi ia kira, tida soesa ia aken boeka itoe pintoe. la poeter koentjinja, tapi tida bisa terboeka, sebab dikoentji dari dalem.
Apa tida ada orang djaga dalem itoe menara?
Rogers liat pentilan dari satoe lontjeng listrik. Dengen tida sabar ia tekan itoe pentilan. la denger boeninja itoe lontjeng, tapi tida satoe orang ada dateng boeka itoe pintoe. la moesti masoek, biar bagimana djoega. Kombali ia boeniken itoe lontjeng dan poekoel itoe pintoe sama kepelannja.
„Boeka!" katanja. „Atas namanja wet. Akoe ada chef dari politie, kolonel Rogers.“
Tida satoe orang ada dateng.
Semoea ada sepi dalem menara dan itoe pintoe tida diboeka.
Kolonel Rogers tjoba poekoel petjah itoe pintoe, tapi sia sia. la moesti pake laen djalan. Dengen tjepat ja toeroen dari tangga dan memanggil ka atas:
„Njonja Vieuxtemps! Akoe tida bisa masoek. Toeroenlah ka bawah dan boeka pintoe.“
„Akoe tida bisa. Akoe poen dikoentji di sini“, djawab Clotilde
Rogers tida bitjara lebih banjak. Roemahnja toekeng djaga moesti tida djaoe dari sitoe. la mengawasi di sakiternja dan dapet liat antara pepoehoenan satoe roemah ketjil, jang dari roepanja soeda bisa diliat, bahoea itoe ada roemah jang ia tjari.
Ia pergi kasana.
