176
XXI.
SOEDA KASEP.
Clotilde bersama anaknja telah kombali dalem kamar boeat samboet pada Rogers, jang ia kira saben saat bisa dateng. la denger tindakan di tangga. Djantoengnja memoekoel lebih keras lantaran girangnja. Dengen tida sabar ia boeka pintoe kamar. Tapi sakoetika itoe djoega ia moendoer dengen kaget. Di depannja ada berdiri itoe prempoean jang pake koedoeng biroe.
„Chef politie ada dibawah,“ kata Clotilde jang soeda djadi sabar lagi. „Ia aken tetapken, bahoea akoe djadi iboenja ini anak.“
Itoe prempoean koentji itoe pintoe sasoeda ia masoek dalem itoe kamar. Clotilde awasken sasoeatoe gerakannja dengen takoet.
Aken tetapi, maski bagimana mengantjem djoega sikepnja itoe prempoean asing, lagi tida brapa saat kolonel Rogers nanti soeda ada di atas boeat toeloeng padanja, pikir Clotilde. la hampirken pintoe, jang ditoetoep oleh itoe prempoean asing. Clotilde poenja maksoed jalah boeka poela itoe pintoe.
Itoe koetika digoenakan oleh itoe prempoean asing boeat tarik Emma.
„Apa kaoe maoe saina anakkoe?“ kata Clotilde sambil menoleh dan tjoba tarik anaknja, jang menangis dan oeloerken tangannja pada iboenja. Pergoeletan lantas terdjadi, tapi tida lama. Itoe prempoean asing reboet itoe anak dan pergi ka kamar ketjil, dalem mana di tengah tengah lantei ada satoe batoe besar pesagi ampat.
Soeara aneh kadengeran dan Clotilde, jang kedjar
