177
itoe prempoean, djadi kakoe lantaran kaget, sebab mendadak itoe batoe toeroen, atas mana itoe prempoean asing dengen Emma ada berdiri. ltoe batoe ada sematjem pekakas listrik boeat toeroen naek. Ini pekakas telah di kasi djalan oleh itoe prempoean asing, jang roepanja kenal betoel resianja pekakas sematjem itoe.
Lantaran kaget sasaat lamanja Clotilde tida begerak. Itoe prempoean mengilang di bawah bersama ia poenja Emma, sedeng satoe batoe laen menoetoep lobang tengah tengah lantei itoe, hingga treakannja itoe anak tida kadengeran lagi.
Tapi Clotilde tida djadi poetoes harepan. Dibawah ada kolonel Rogers, brangkali ia soeda ada dalem menara.
Itoe prempoean asing moesti kena ia tangkep. Dengen boeroe boeroe Clotilde boeka pintoenja itoe kamar dan memanggil: „Toean Rogers.“
Tida ada djawaban. Apa artinja itoe? Dimana adanja Rogers?
Di atas tangga Clotilde berdiri sambil pasang koepingnja.
Soeara lapat lapat kedengeran di koepingnja, itoe soeara datengnja dari bawah, dari djoeroesan pintoe. Tentoelah Rogers masi ada di loear dan tida bisa masoek. Clotilde sekarang mengarti, kenapa ia masi belon dateng menoeloeng.
Satoe hiboeran Clotilde djadi dapet. la pikir, sebab itoe kolonel tida bisa masoek, itoe prempoean jang bawa lari ia poenja anak, tentoe tida bisa kloear.
Dengen tjepat ia toeroen dari itoe tangga
„Akoe dateng. Akoe nanti boeka pintoe," katanja dengen soeara goemetar, sedeng ia denger dengen
