180
tida bisa tjegah. . .Dan ia djalanken itoe perkakas..."
„Dijadi ia toeroen ka bawah bersama itoe anak?“
„Ia, dan akoe tida bisa berboeat soeatoe apa boeat menjegah itoe.“
„Kita sigra dapet taoe, siapa adanja itoe njonja. Ia tida ada liwat di sini. Kaloe ada, tentoe akoe telah liat padanja. Djadi ia masih ada dalem ini menara," kata Rogers boeat hiboerken hatinja itoe iboe jang bertjilaka. „Kaoe poenja hati telah terharoe begitoe keras, kaoe masih terlaloe lemas. Baek kaoe tinggal di sini dan mengaso sabentar. Ini perkara akoe nanti oeroes sendiri.”
„Akoe taooe bagimana baek adanja kaoe dan kaoe tentoe tida ada harep laen dari baek bagi akoe dan anakkoe. . . . Dan akoe telah berlakoe begitoe koerang trima.... "Apa kaoe bisa maafken akoe kolonel?“
„Clotilde. . . . Djangan tanja itoe. Apa kaoe belon mengarti, bagimana sanget akoe tjinta pada kaoe? Apa kaoe belon pernah pertjaja pada perkataan perkataankoe ?. . Apa kaoe telah anggep akoe sebagi saorang jang tida ada mempoenjai kahormatan?"
„Tida, kolonel, tida.“
„Djadi kaoe pertjaja, bahoea akoe tinta pada kaoe dengen soenggoeh soenggoeh. Dan kaoe telah toelis padakoe, bahoea kaoe bentji pada itoe bangsat...."
„Ia ada satoe pendjahat. Akoe tida ada mempoenjai perhoeboengan soeatoe apa lagi sama dia .... Itoe Johan Goud telah menikah di sini boeat kadoea kalinja dan.
„Johan Goud . . . . . itoe pemboenoe dari Willem Smith?“ Rogers menanja.
„Ja. Apa tida kliwat? Johan Goud jalah Alfred Vieuxtemps.“
