181
„Kasian . . . . .Tapi kaoe sekarang bisa idoep santosa poela, kaoe soeda terlepas dari itoe pendjahat. Kaoe sasoenggoehnja merdika. Orang lagi tjari itoe bangsat, ia poenja kedjahatan soeda terboekti dan ada banjak harepan jang ia sekarang soeda ditangkep dan aken trima hoekoemannja jang pantes.“
„Akoe poenja firasat tida salah ia hendak lepasken dirinja dari akoe. Ia soeroe koeroeng akoe dalem satoe roemah gila, sebab akoe boeka resianja. Tapi beroentoeng akoe telah bisa minggat . . . . .“
„Ja, Clotilde, marilah kita mengoetjap trima kasi pada Allah, jang kaoe soeda terlepas dari dia,“ kata Rogers lagi sambil pegang tangannja itoe prempoean moeda. „Akoe aken menoendjang pada kaoe dengen soengeoeh soenggoeh dan dengen setia. Akoe tjinta pada kaoe déngen sagenap hatikoe dan akoe aken bikin kaoe-djadi loepa pada segala kasengsaraan jang kaoe soeda moesti rasaken.”
„Kolonel . . . . Emma ? . . .“
„Tinggal disini. Akoe pergi tjari itoe prempoean. Akoe nanti tjeritaken padanja doedoeknja perkara.“
Kolonel Rogers kloear dari itoe kamar tidoer djoestroe tatkala ia denger soearanja itoe doea orang djaga ditangga.
„Apa kaoe soeda dapetken itoe njonja?” ia menanja _sedeng Clotilde dengen hati takoet berdiri di blakangnja.
„Tida, kolonel. Kita soeda tjari di mana mana, tapi tida ada ketemoeken barang satoe manoesia,” djawab itoe doea orang.
„Itoe njonja telah goenaken itoe pekakas listrik boeat toeroen, kata itoe kolonel lagi. „Ia moesti ada dalem ini menara, sebab di sini tida ada orang liwat.”
