182
„Itoe perkakas ?“ kata salah satoe orang djaga sambil melirik pada kawannja. „Kaloe begitoe ia soeda pergi djaoe dari sini.“
Clotilde mendjerit.
„Di sini adanja kamar, di mana itoe perkakas toeroenan,“ kata itoe orang djaga lagi, sedeng ia boeka satoe pintoe. „Sebagimana kaoe liat, ini kamar ada mempoenjai pintoe jang kloear di seblah sana.“
Clotilde bikin sabisa bisanja boeat menahan soepaja ia djangan mendjerit.
„Tinggal sabar,“ kata Rogers padanja dengen soeara aloes. „kaloe ini njonja djadi kapala atawa sebaginja dari satoe roemah amal, gampang sadja kita aken dapetken ia poela. Semoea nanti dapet diterangken dan kaoe nanti dapet kombali kaoe poenja anak. Kaoe ikoet sama akoe kombali ka kota dan akoe nanti sigra ambil segala atoeran jang perloe boeat dapetken maksoed kita. Dalem roemahkoe ada satoe kamar boeat kaoe. Sebab, saoeda akoe ketemoeken kaoe poela akoe tida kasi kaoe pergi lagi, Clotilde.“
BOEKHANDEL PEK & Co.
SOERABAIA
TERBOEKA TAON:
1915
}}
