186
ini itoe orang jang ia tjari, sebab itoe njonja memake kain koedoeng biroe. Marie poenja hati djadi sanget terharoe dan ia tekan tangannja di djantoengnja jang memoekoel keras.
Itoe njonja masoek dalem itoe roemah.
Achirnja Marie aken dapetken kepastian jang ia perloe.
Dengen tjepat ia bangoen dari tempatnja doedoek dan denger orang naek di tangga jang pergi ka atas.
Marie kloear dari roemah makan. Tatkala ia sampe di bawah tangga, ia denger satoe pintoe diboeka.
Dengen tjepat dan dengen tida bersoeara ia naek itoe tangga.
Pada waktoenja itoe prempoean asing masoek di pertengaan dari ia poenja roemah, Marie berada deket di blakangnja dan toeroet masoek bersama dia. Itoe prempoean menoleh dengen heran "
Kaoe ialah Clotilde Vieuxtemps," kata Marie sambil hampirken pada ia poenja maroe.
,,Siapa kaoe? Djangan loepa, bahoea kaoe boekan berada dalem kaoe poenja roemah, tapi dalem akoe poenja roemah," djawab itoe prempoean. Akoe tida mengarti, begimana orang bisa ada mempoenjai itoe kakoerang adjaran...."
,,Ini ada satoe perboeatan jang disoeroeng oleh kapoetoesan akal, apa kaoe tida mengarti? Djawab pertanjaankoe. Siapa adanja kaoe. Akoe moesti taoe. Akoe moesti 1aoe, biar bagimana djoega."
,,Akoe tida kenal sama kaoe dan akoe ada hak aken perlakoeken kaoe sebagi satoe pentjoeri, kaloe kaoe tida lantas pergi dari sini, dimana kaoe soeda dateng zonder akoe poenja idzin."
,,Tjoba sadja," djawab Marie jang soeda tida bisa
