188
„Apa kaoe pikir, marika tinggal berkoempoel poela?“
„Akoe ada poenja alesan alesan aken pikir begitoe“
„Kaloe begitoe, akoe aken pergi ka sana, njonja."
„ltoe prempoean tida maoe boeka. ia poenja kain koedoeng. Inilah menetapken akoe poenja kapertiajaan. Akoe telah masoek dalem roemahnja.“
„Apa ia selaloe pake koedoeng?“
„Akoe telah tjoba boeka ia poenja koedoeng, tapi tida berhasil. Akoe pertjaja pasti, ia adalah Clotilde. Vieuxtemps, jang telah djadi baek poela sama soeaminja dan bersarikat bikin perkara boesoek. Brangkali ia semboeniken Vieuxtemps dalem roemahnja.“
„Kaloe kaoe poenja doega doegaan ada betoel, maka jadi terang mengapa kita belon bisa tangkep itoe Goud atawa Vieuxteimps,“ djawab Bernard. „Kaoe poenja pengoendjoekan pengoendjoekan bisa berharga besar.“
„Kaloe perloe, biarlah goenaken paksaan, toean Bernard, boeat ketahoei, siapa adanja itoe prempoean jang pake koedoeng Dan kaloe ternjata, ia sasoenggoehnja ada Clotilde Vieuxtemps, jang bersama soeaminja soeda tipoe akoe, tangkeplah padanja.“
„Goud masih belon bisa brangkat dari New York, njonja. Akoe soeda koendjoengi semoea kapal api, jang soeda brangkat dari pelaboean sadjek Goud lari. Sekarang akoe aken pergi preksa lagi satoe kapal, jang besok aken brangkat.“
„Dan kapan kaoe pergi pada itoe njonja?“
„Besok pagi.“
Marie pamitan dari itoe detective, jang anterken ia sampe di pintoe. Kemoedian Bernard pake ia poenja topi dan mantel.
Dengen memake ini pakean tida satoe orang bisa
