189
doega, bahoea ia adalah chef dari politie di New York. Inspecteur Bernard memang soeka bepergian dengen menjaroe, soepaja ia bisa lakoeken pakerdjaannja dengen lebih gampang. Ia pergi ka djembatan, dimana ia naek satoe praoe, jang bawa ia ka kapal besar, dimana orang soeda bikin persediaan boeat brangkat dan penoempang penoempang soeda ada semoea.
Itoe detective bertjampoer dengen orang orang jang ada dalem itoe kapal dan pandang satoe persatoe orang jang ia ketemoe: Kaloe Alfred ada di antara itoe penoempang penoempang, tentoelah bagi Bernard tida soesa aken kenalin dia, sebab Bernard soeda kenal sama Johan Goud.
Tjara begitoe Bernard saban hari preksa tiap tiap kapal jang hendak brangkat, sedang kolonel Rogers dan ia poenja agent agent lakoeken pakerdjaan begitoe djoega dalem kreta api dan di station station.
Pada tanggal 1 Mei, 1921, kita soeda pinda di Soerabaia.
Adres soerat-soerat:
Boekhandel Pek & Co.
Soerabaia.
