194
njonja, jang kaoe ketemoeken dalem menara api, telah kasiken itoe anak. . . .” „Satoe njonja? . . . . Itoe orang sama djadi setan, sama boesoeknja seperti kaoe, jang sekongkol sama dia”
„Akoe soeda lama kenal sama dia. Akoe tjeritaken ini tjoema soepaja kaoe tida sangsi, bahoea itoe anak ada dalem kakoeasaankoe. Kaloe kaoe tida bikin apa jang akoe maoe, kaoe tida aken dapet liat lagi itoe anak.” „Orang nanti tangkep pada kaoe. Orang nanti reboet itoe anak”
Vleux emps toendoeken kepalanja.
„Kaoe khroes. Djangan harep itoe. Kaoe hoekoem dirimoe sendiri aken selamanja tida liat lagi itoe anak, sebab ia soeda tida ada lagi di New York dan selaennja akoe tida satoe orang ada taoe di mana adanja itoe anak.”
„Kaoe maoe boenoeh akoe.”
„Kaoe poenja anak masih idoep. Tegasnja sekarang masih idoep ia toeroet dengen satoe koempoelan toekang soenglap. Orang tida aken kombaliken itoe anak kaloe kaoe tida loeloesken kainginankoe.”
Clotilde djadi menangis dan toetoep moekanja sama kadoea tangannja. „Kaoe bisa ketemoe poela sama dia, ia aken teroes idoep, kaloe kaoe semboeniken akoe di sini.”
Kombali di loear djendela kadengeran soearanja agent agent politie, jang masi maoe tjari teroes itoe pendjahat jang bebrapa antaranja soeda liat dan kenalin.
Orang denger marika bitjara pada satoe sama laen sambil liwat itoe roemah dari kolonel Rogers.
